Shkrimi i një CV-je për firmat gjermane nuk është shumë ndryshe nga CV-të amerikane ose nga ato që jemi mësuar të shkruajmë.

Por disa ndryshime të vogla midis shteteve ka gjithnjë. Ju vetëm duhet të mbani në mend se çdo vend apo kontinent ka preferencat e tij, kur është fjala për strukturat dhe përmbajtjen. Këtu janë 7 këshilla për të bërë një përshtypje të mire në tregun gjerman të punës.

1. DIZAJNI

Kur të krijoni CV-në tuaj gjermane, është e rëndësishme ta strukturoni në një mënyrë që duket tërheqëse për syrin e lexuesit e të jetë sa më i lehtë leximi. Rekrutuesit zakonisht nuk marrin më shumë se 7-12 sekonda për të kontrolluar nëse një kandidat përputhet me kërkesat e punës. Mos harroni se një CV është mjeti juaj i marketingut, i cili në pamje të parë duhet të tregojë aftësitë dhe përvojën tuaj.

Më përpara, në Gjermani, gjatësitë e zakonshme të CV-ve ishin vetëm një faqe, por kjo ka ndryshuar në vitet e fundit. Disa punë u bënë më pak të përgjithësuara dhe shumë detyra dhe aftësi duhet të shpjegohen më hollësisht. Sidoqoftë, nuk ka nevojë që të dizajnoni CV-në tuaj më shumë se tre faqe në total!

Përdorni të njëjtin lloj shkrimi dhe madhësi fontesh, mos përdorni me tepri shkronja të theksuara ose të pjerrëta.

2. STRUKTURA

Si kudo në botë, një CV apo rezyme ka nevojë për një strukturë të caktuar. Ndryshe nga Britania e Madhe apo SHBA, në Gjermani nuk ka nevojë për të shtuar një përmbledhje të aftësive tuaja sociale (soft skills) në fillim – kjo nuk është e zakonshme dhe nuk kërkohet. Mbani këtë informacion për letrën e motivimit (shih keshillen 7).

CV-ja juaj për tregun gjerman duhet të jetë e formatuar në mënyrën e mëposhtme:

• Detajet personale
• Edukimi
• Historia e karrierës
• Aftësite, gjuhët e huaja
• Hobi, interesa personale
• Vendi, data dhe firma

3. PËRMBAJTJA

Para së gjithash, diçka duhet bërë e qartë: Mund të humbësh punën tënde të ëndrrave nga gabimet drejtshkrimore. Gjermanët janë shumë kërkues për dokumente të përsosura. Jini të kujdesshëm se çfarë shkruani dhe se si e bëni. Pyetni një mik për n

dihmë për të korrigjuar gabimet.

Shumica e kandidatëve mendojnë se një CV përputhet me të gjitha aplikimet për punë. Megjithatë, një CV është një dokument i drejtuar për një punë të veçantë që dëshironi.

Bëni disa kërkime mbi disa njoftime të punës për një pozicion që ju intereson. Pastaj merrni një përshtypje të aftësive dhe detyrave më të zakonshme që kërkohen. Përdoreni këtë informacion për të krijuar CV-në tuaj të kualifikuar, që përputhet me kërkesat e punës në mënyrë të përsosur.

Askush nuk është i interesuar për informacionin që praktika juaj e parë ka ndodhur në një dyqan buke (përveç se nëse aplikoni si një bukëpjekës) dhe askush nuk dëshiron të dijë se keni punuar si banakjer gjatë kohës së natës gjatë studimeve (nëse nuk aplikoni në gastronomi). Asnjëherë mos specifikoni të gjitha detajet e historisë suaj të punës nëse ju keni eksperiencë të gjatë. Përfshini vetëm përmbajtjet që mund të jenë interesante për rolin dhe që tregojne aftësitë, ekspertizën ose njohuritë që keni fituar, të cilat mund t’i shtojnë vlerë punëdhënësit tuaj potencial.

4. DETAJE PERSONALE

Mos harroni se një CV është një fletëpalosje e jetës tuaj me qëllim që të merrni punën tuaj të ëndërrave. Pra, përfshini të gjitha detajet personale që mund të ndihmojnë punëdhënësin tuaj të ardhshëm që t’ju kontaktojë shpejt dhe të kuptoni se kush jeni. Por kujdesuni për të shmangur detajet e tepërta, siç janë përkatësia fetare, emrat e fëmijëve etj.

• Foto: Nëse vendosni të përfshini një foto, ajo duhet të jetë profesionale. Në Gjermani, rekrutesit e personelit dhe menaxherët e punësimit do të gjykojnë profesionalizmin tuaj me imazhin që krijoni për veten tuaj. Kështu që mos vini një fotografi të vetes në një bar, në plazh ose me fëmijët tuaj. Nëse ju nuk keni një foto profesionale, më mirë mos e vini fare!
• Emri i plotë me emër e mbiemër
• Numri i telefonit ose celularit, adresa e emailit, emri ne Skype
• Adresa juaj
• Kombësia: Kjo është e rëndësishme për të kuptuar nëse ekziston nevoja për të aplikuar për vizë pune ose leje qëndrimi
• Mosha / Data e lindjes (jo e detyrueshme me ligj, por një rekrutues do ta kuptojë gjithsesi për shkak të certifikatave që ju bashkëngjitni ose datës që keni mbaruar shkollën – në këtë mënyrë ju lehtësoni punën e tyre)
• Gjendja martesore dhe numri i fëmijëve (opsionale – por ndihmon për të krijuar një pamje të plotë)

5. HISTORIA E KARRIERËS

Filloni së pari me punën tuaj më të fundit. Përfshini emrin e kompanisë suaj të punësimit e datat që keni punuar për ta (muaj dhe vit!). Gjithashtu shtoni vendndodhjen.

Shumë e rëndësishme: Kini parasysh llojin e punës: A keni qenë i punësuar, një freelancer apo një praktikant? A keni punuar me orar të plotë, me kohë të pjesshme ose a jeni angazhuar vetëm për një projekt?

Është e kuptueshme që nuk ju lejohet të ndani informacion të rremë në CV-në tuaj gjermane. Shumë kandidatë, megjithatë, e bëjnë këtë pa e ditur. Kjo ndodh gjatë gjithë kohës kur rekrutuesit lexojnë “Ka punuar në kompaninë ABC, SHBA”. Kjo sugjeron se aplikanti ka punuar në SHBA. Ndërsa në të vërtetë, personi ka punuar në një vendndodhje tjetër te kompanisë në vendin ku banon. Ata thjeshtë kanë punuar me një kompani amerikane. Kini kujdes për vendndodhjet tuaja të punës.

Gjithmonë tregoni qartë emrin e pozicionit tuaj. “Marketing” nuk është një pozicion, por një department.

Nëse keni punuar në disa vende pune për të njëjtën kompani, shkruanjini ato. Jo shumë njerëz fillojnë karrierën si “Drejtori i Zhvillimit Rajonal të Biznesit”. Tregoni qartë se e keni zhvilluar rrugën e karrierës duke filluar me një punë të vogël deri në pozitën më të lartë me të njëjtin punëdhënës. Kjo tregon se ju mund të rriteni në një kompani.

Tregoni me pika 3-5 nga detyrat tuaja më të rëndësishme.

Çdo rol ka përgjegjësi dhe qëllime të arritura. Përmendni arritjet tuaja që janë relevante për punën për të cilën po aplikoni.

Sigurohuni që përmbajtja është e qartë dhe e shkurtër. Përdorni pika dhe jo fjali të plota – është më e lehtë t’i lexosh!

Historia juaj e karrierës nuk mund të tregojë boshllëqe. A keni qenë duke bere shërbimin ushtarak ose  keni bërë punë vullnetare për një kohë? Ju duhet të deklaroni këtë informacion. Ju gjithashtu mund të përfshini informacione shtesë, të tilla si arsyet për ndryshimin e karrierës ose arsye për të lënë kompaninë e mëparshme.

6. ARSIMI

Mbani në mend që të përfshihen emrat e të gjitha institucioneve, si dhe datën që keni ndjekur në shkollë (duke përfshirë muajin dhe vitin). Kjo duhet të shprehet në mënyrë të kundërt kronologjike: universitet para shkollës. Nëse keni arritur rezultate të shkëlqyeshme, është koha për të treguar dhe deklaruar ato në këtë seksion (p.sh. nota finale: 78 nga 100 pikë, rezultatet e A-së, arritja 96% etj)

7. AFTËSITË

Përfshini aftësitë e verteta te gjuhëve të huaja. Sinqerisht, rekrutuesi do ta zbulojë gjithsesi. Ata do t’ju testojnë dhe do të dinë nëse jeni me të vërtetë të rrjedhshëm ose nëse aftësia juaj për të lexuar është C1. Mos e humbni kohën e askujt dhe thoni të vërtetën.

A keni ndonjë trajnim apo zhvillim të kohëve të fundit që ka lidhje me rolin që aplikohet? Permendeni këtu.

Aftësitë kompjuterike duhet të specifikohen. Nëse aplikoni për një punë të IT ose qe kerkon dije ne ndonje program kompjutri, ju lutemi shënoni çdo informacion të vogël që mund t’ju kualifikojë për rolin.

8. LETRA E MOTIVIMIT

Tregu gjerman është ndryshe kur vjen puna për letrat e motivimit. Në shumicën e vendeve të tjera, ato nuk kanë rëndësi thelbësore. Megjithatë, në Gjermani, kjo letër mund të jetë po aq e rëndësishme sa CV-ja! Përmbajtja e saj eshte kyçe për të marrë intervistën.